Kambal na pagbobomba: CAFGU dedo, 2 sundalo sugatan
MAGUINDANAO, Philippines — Patay ang isang miyembro ng Civilian Armed Forces Geographical Unit (CAFGU) habang dalawang sundalo ang sugatan nang magkaroon ng kambal na pagsabog ng granada dito noong Huwebes ng gabi.
Ayon kay Lt. Colonel Anhouvic Atilano, ang tagapagsalita ng 6th Infantry Division, dalawang pinaniniwalaang Moro rebel na sakay ng motorsiklo ang naghagis ng granada sa COVID-19 quarantine checkpoint sa Barangay Labu-Labu, Shariff Aguak, Maguindanao alas-7:00 ng gabi nitong Huwebes na ikinamatay ng isang CAFGU na si Aladin Alon at ikinasugat ni Joey Moambing.
Sinabi ni Atilano na ang nangyari sa Shariff Aguak ay pangalawang beses nang ginawa ng mga suspek sa mga nagbabantay sa COVID-19 checkpoint na nag-uugnay sa mga lalawigan ng Sultan Kudarat at Maguindanao.
Ilang minuto lamang ang nakalipas, inatake rin ng mga lawless group ang isang detachment kung saan tinamaan ang pasahero ng dumadaan na Husky Bus na may rutang Gen. Santos City-Cotabato City na ikinasugat ng isang sundalo na si P/Sgt. Jester Cagatan habang binabagtas ng bus ang highway sa Brgy. Iginagampong, Datu Unsay, Maguindanao.
Ayon sa drayber ng bus, nakarinig siya ng malakas na pagsabog habang nagmamaneho matapos na atakihin ng rifle grenade ang sinasakyang bus.
- Latest