Parak sa Cebu arestado nang makipag-'labing-labing' sa babaeng inmate

MANILA, Philippines — Arestado ang isang opisyal ng Philippine National Police sa Cebu matapos mahuling nagpapapasok ng detainees, na parehong may kaso kaugnay ng droga, sa kanyang quarters.

Kinilala ang suspek bilang si Major Ildefonso Miranda Jr. ng Argao Municipal Police Station sa Cebu.

Sa video na ito na inilabas sa state-owned Radyo Pilipinas, makikita ang pag-aresto ng PNP-Integrity Monitoring and Enforcement Group kay Miranda noong ika-5 ng Marso, Huwebes.

Aniya, may sekswal na relasyon si Miranda at isa sa mga babaeng preso habang ginagamit bilang "helper" ang isa pa, na babae rin.

Argao, Cebu Police Chief arrested for allowing 2 female detainees w drug-related cases to sleep in his quarters, violating procedures for persons under custody; he is allegedly havng sexual relations w one of them, while th other was utilized as a helper @News5AKSYON
??PNP-IMEG pic.twitter.com/mdWYBW9wse

— Pat Mangune TV5 (@PatMangune) March 6, 2020

Nabisto ang ginagawa ng pulis matapos madiskubre ang ilang kwestyonableng litrato sa kanyang cellphone.

Kitang-kita sa mga nasabing litrato si Miranda habang katabing nakahiga sa kama ang isa sa mga preso.

Sa isa pang litrato, nakuha pa ng preso na suotin ang iniporme ng pulis habang nakasaludo. Basang-basa sa suot ng babae ang apelyido ng police official.

Humaharap sa kasong "direct bribery," "delivery of prisoners from jails" at paglabag sa Anti-Graft and Corrupt Practies Act si Miranda. — James Relativo at may mga ulat mula sa News5