Magdyowa tiklo sa droga sa hotel
Valentine’s date nauwi sa selda
TUGUEGARAO CITY, Cagayan, Philippines — Nagdaos ng Valentine’s Day sa kulungan ang magsing-irog na umano’y tulak at kanilang alalay matapos matiklo sa kanilang pag-iingat ang marijuana at shabu habang nagpapahinga sa isang hotel sa Roxas, Isabela noong Huwebes.
Kinilala ni Major Engelbert Bunagan, hepe ng Roxas Police Station ang mga nadakip na sina Rusty Jay Mariano, 29-anyos; ang nobyang si Luzielle Tinaza, 32, at alalay nilang si Adrian Pagarigan, 19; pawang mga taga-Quezon City.
Nasamsam ang limang dried marijuana bricks, pinatuyong tangkay at isang sachet ng marijuana na kontrabando ng tatlo mula sa Barangay Buscalan, Tinglayan, Kalinga. Nakuha rin sa magkasintahan ang isang sachet ng shabu na pinaniniwalaang pampagana nila sa kama sa Araw ng mga Puso bago tutulak pabalik ng Metro Manila dala ang kanilang paninda.
- Latest
