2 salvage victim natagpuan
Cavite , Philippines — Dalawang bangkay ng hindi pa nakikilalang lalaki ang natagpuan sa magkahiwalay na lugar sa lalawigang ito na hinihinalang mga biktima ng salvage kahapon.
Sa ulat ng pulisya, dakong alas-2:15 ng madaling-araw nang unang matagpuan sa Coastal Bay ng Brgy. San Rafael 4, Noveleta, Cavite ang isang bangkay ng lalaki na tinatayang may edad na 30-35 habang ang pangalawang bangkay na nasa 18-23 anyos ay nadiskubre bandang alas-7:00 ng umaga sa Masaito Drive, Brgy Molino 3, Bacoor City.
Ito ay may suot na asul na jacket, maong shorts at brown sandals. Nakagapos ng alambre ang mga kamay ng biktima at may takip na packing tape ang bibig. Patuloy pa ang imbestigasyon ng mga pulis sa mga insidente upang makilala ang mga biktima at magkaroon ng lead sa mga kaso.
- Latest