Trader dedo, bebot grabe sa tandem

TUGUEGARAO CITY, Cagayan, Philippines — Napatay ang isang negosyante habang malubhang sugatan ang kasama nitong babae matapos silang ratratin sa sinasakyang pickup ng riding-in-tandem sa Brgy. Maddarulug, Solana, Cagayan kahapon.

Kinilala ang napatay na si Arnel Agustin ng Brgy. Sampaguita habang ang hindi pa natukoy na kasama nitong babae sa sasakyan ay agaw buhay na isinugod sa isang pribadong ospital. 

Ayon sa report, agad na tumakas ang mga berdugo matapos isagawa ang pamamaril dakong alas-9:40 ng umaga na agad ikinamatay ni Agustin. Matatandaan na una nang hinagisan ng granada si Agustin ng mga hindi nakilalang salarin noong nakaraang taon ngunit wala namang nasaktan sa pagputok. Tinitingnan ng mga imbestigador kung may kaugnayan sa negosyong pagpapautang ng biktima ang motibo sa krimen.