Suspek sa coed rape-slay, arestado

MANILA, Philippines — Naaresto na ng mga awtoridad ang suspek sa pagpatay sa 18-anyos na college student na hinihinalang hinalay din sa Dagupan City, Pangasinan kahapon.

Kinilala ang suspek na si Jeric Gonzales, 23-anyos, umeekstra bilang construction worker at may dating kasong robbery noong Hunyo 2013 at attempted rape noong Hunyo 2016. Siya ay nadakip sa Mangatarem, Pangasinan sa follow-up operation ng pulisya.

Ang suspek ay natukoy sa pamamagitan ng testimonya ng ilang  residente sa lugar.

Nahagip din sa CCTV na habang naglalakad ang biktimang si Bernadette Saplan nang bigla siyang habulin ng isang lalaki.

Sinabi ng suspek na lango siya sa alak kaya niya nagawa ang pagpatay sa dalaga.