Rider at angkas tigok sa kuryente

TUGUEGARAO CITY, Cagayan, Philippines — Dalawang hindi pa nakikilalang lalaki na magkaangkas sa motorsiklo ang nasawi matapos mangisay sa kawad ng kuryenteng pumulupot sa gulong ng kanilang sasakyan habang tumatakbo sa kalsada ng Brgy. Patul, Santiago City kamakalawa.

Sa report kay Police Lt. Colonel Melchor Ariola, tagapagsalita ng City Police Command; pawang nasa daan ang napatid na bahagi ng kable na nasagasaan ng mga biktima at pumulupot sa gulong ng kanilang motorsiklo dakong alas-10:00 ng gabi.

Ayon kay Ariola, agad nasawi ang dalawa matapos sabay na mangisay sa kalsada. Pinaniniwalaang mag-iinuman sana ang dalawa dahil sa may dala pa silang isang boteng alak at pulutan nang maganap ang insidente.