Police corporal binoga ng tandem, todas
Mag-iinspeksyon sa voting precinct
MANILA, Philippines — Isang police corporal ang namatay matapos pagbabarilin ng riding in tandem habang patungo sa pag-iinspeksyon sa voting precincts sa Kapatagan bayan ng Lanao del Norte kamakalawa.
Kinilala ni Lanao del Norte police director Police Colonel Rene Solidarios ang biktima na si Police Corporal Richard Garcia Gordiones, 30 anyos, na hindi na umabot nang buhay sa provincial hospital ng Kapatagan.
Lumalabas na dakong alas-3:00 ng hapon nang maganap ang insidente sa bisinidad ng Brgy. Panoloon ng bayan ng Sapad, Kapatagan.
Ayon kay Gordiones, ang biktima ay nakatalaga sa Kapatagan at nagpapatrulya sa naturang area bilang bahagi ng kanyang assignment para magbigay ng seguridad sa voting centers sa naturang bayan para ngayong eleksyon.
Nilinaw naman ni Solidarios, na ang pagpatay sa biktima ay walang kaugnayan sa eleksyon dahil sa bago pa maganap ang pamamaril ay binalaan na si Gordiones ng Lanao del Norte police intelligence unit na may banta sa kanyang buhay at kanyang pamilya mula sa isang drug personality na napatay sa anti-drug police operations.
Walong taon na nasa serbisyo ang biktima at nakatalaga sa Kapatagan police’s drug enforcement unit at aktibo din sa anti-drug operation.
- Latest