Kawani ng city hall, tiklo sa drug raid
LEGAZPI CITY, Albay, Philippines — Hindi na nakapalag nang arestuhin ng mga pulis ang isang 41-anyos na kawani ng lokal na pamahalaan ng Sorsogon City matapos makuha sa kanyang bahay ang ilang sachet ng shabu at baril sa ginawang search warrant operation sa Purok-1, Brgy. Salog sa Sorsogon City, Sorsogon kamakalawa ng hapon.
Kinilala ang suspek na si Allan “Tuko” Balilo Caubang, residente ng nasabing barangay at empleyado ng Sangguniang Panlungsod na itinuturing na high value target.
Sa ulat, dakong alas-6 ng umaga sa bisa ng search warrant na inilabas ni Gubat RTC Branch 54 Judge Bernado Jimenez, sinalakay ng mga operatiba ng Sorsogon Police ang bahay ni Caubang.
Sa ginawang paghalughog sa bahay ng suspek, nakuha rito ang apat na sachet ng shabu, kalibre 38 baril at ilang drug paraphernalia.
- Latest