Motorsiklo salpok sa tractor: 3 patay!
MANILA, Philippines — Tatlong menor-de-edad ang nasawi matapos na sumalpok ang sinasakyan nilang motorsiklo sa isang tractor sa panulukan ng Digos Diversion at San Jose Dawis Road sa Digos City, lalawigan ng Davao del Sur, kamakalawa ng gabi.
Sa ulat kay Digos police director Supt. Deozar Almasa, dakong alas-11:45 ng gabi nang bumangga sa farm tractor na galing sa isang transport terminal ang walang plakang motorsiklo na Honda na minamaneho ni Ken Mark Cabusao, 15-anyos habang angkas ang mga biktimang sina Justice Gallarde, 16; Ronnie Balasbas at isang ‘di pa kilalang ginang.
Sina Gallarde, Balasbas at kasama nilang babae ay kapwa idineklarang dead-on-the-spot habang si Cabusao ay malubhang nasugatan at nilalapatan ng lunas sa Davao del Sur Provincial Hospital (DSPH).
Ayon kay Almasa, ‘tumakas ang driver ng tractor matapos ang insidente pero nakuha ang plate number nito. Mabilis umano ang takbo ng motorsiklo habang walang ilaw ang tractor kaya ‘di napansin ng driver sanhi ng salpukan.
- Latest
