SUV swak sa bangin: Ex-mayor dedo
MANILA, Philippines — Vice mayor, konsehal at bodyguard sugatan
Patay ang isang dating alkalde ng Camarines Sur habang sugatan ang tatlo pa katao kabilang ang isang incumbent vice mayor at konsehal makaraang aksidenteng mahulog sa matarik na bangin ang kanilang sinasakyang SUV sa bahagi ng Andaya national sa Ragay, nasabing lalawigan kahapon ng umaga.
Sa ulat ni Police Regional Office (PRO) V Director P/Chief Supt. Arnel Escobal, kinilala ang nasawi na si dating Milaor Mayor Andre Hidalgo, 65-anyos.
Patuloy namang nilalapatan ng lunas sa Ragay District Hospital ang mga sugatang sina Senan Bermas, 50, kasalukuyang vice mayor ng Ragay; Robert Cano, 36, dating viice mayor ng bayan at ngayo’y incumbent municipal councilor, at bodyguard na si Vicente Claro, 36.
Ang driver namang si Noel Mariquit ay masuwerte na bahagyang mga gasgas lamang ang tinamo sa katawan.
Bandang ala-1:30 ng madaling araw nang mangyari ang trahedya sa F. Semion, Ragay habang lulan ang mga biktima ng Toyota Fortuner na minamaneho ni Mariquit.
Galing sa Maynila at pabalik na sa Milaor ang mga biktima at habang binabagtas ang Andaya national highway nang aksidenteng bumangga ang kanilang sasakyan sa bakal na barandilya sa tabi ng highway sa kaliwang bahagi.
Bunga nito, tuluy-tuloy na nahulog sa matarik na bahagi ng highway ang behikulo.
- Latest
