Computer shop pinasok: Trader inutas, utol ni-rape
TUGUEGARAO CITY, Cagayan, Philippines — Patay ang isang negosyante na may-ari ng isang computer shop matapos nitong tangkaing saklolohan ang kanyang kapatid na dalaga na ginagahasa ng mga nanloob sa kanilang puwesto habang ikinulong ang iba pang kustomer sa loob ng palikuran ng nasabing shop sa Brgy. Bugallon Proper, Ramon, Isabela noong Linggo.?
Ayon sa pulisya, dakong alas-9:15 ng gabi nang pasukin ng dalawang ‘di kilalang lalaki na armado ng baril ang 3KA Computer Shop at ikinulong sa palikuran ang mga kustomer at bantay ng shop matapos makulimbat ang kanilang cellphone at pera.?
Bukod dito, pinagbabaril ng mga suspek ang may-ari na si Arwin Ian Magtanong, 24, nang tangkain nitong saklolohan ang 19-anyos niyang kapatid na halinhinang ginahasa ng mga salarin.?
Matapos ang pag-atake sa lugar, tumakas ang mga suspek sakay ng motorsiklo habang isinugod sa hospital sa Santiago City ang biktima kung saan siya idineklarang patay at nanatiling tulala ang dalaga matapos ang krimen.
- Latest
