3 drug peddlers dakip
COTABATO CITY, Philippines — Swak sa kulungan ang tatlong drug drug peddlers matapos na madakip sa ikinasang buy-bust operation laban sa kanila ng mga otoridad kamakalawa ng hapon sa Crossing Kanto, Barangay Poblacion Uno, ng lungsod na ito.
Kinilala ng pulisya ang mga naarestong suspek na sina Bulljack Guiwan Dalama alyas ‘Bulljack’, 41; Toten Dus Dalama, 37; kapwa residente ng naturang lugar; at Roberto Carbo Trecero, 31 taong gulang, residente ng Lombo, Awang Datu Odin Sinsuat, Maguindanao.
Batay sa report ng pulisya, pasado ala-1:00 ng hapon nang makipagkita ang mga suspek sa isang police asset na nagpanggap na buyer. Sa hudyat ng police asset ay pinalibutan ng mga otoridad ang mga suspek at agad na dinakip.
Nakuha mula sa kanila ang 17 pakete ng hinihinalang shabu, P500.00 marked money, mga cellphone, gunting at stick. Nahaharap sa kasong paglabag sa RA 9165 o Comprehensive Dangerous Drugs Act of 2002 ang mga suspek.
- Latest
