Indian niratrat ng tandem
LEGAZPI CITY, Albay , Philippines — Nasawi ang isang Indian national matapos na pagbabarilin ng riding-in-tandem habang lulan ng kanyang motorsiklo at binabagtas ang kalsada ng Brgy. Banao sa bayan ng Guinobatan kamakalawa ng umaga. Dead-on-the-spot dahil sa tama ng bala sa iba’t ibang bahagi ng katawan ang biktimang si Durlep Singh Brar, ng Dona Maria Subdivision, Brgy.Tagas sa bayan ng Daraga. Sa ulat, dakong alas-11 ng umaga, lulan ng kanyang motorsiklo (2633-IY) ang biktima nang gitgitin ng gunmen na lulan ng isa pang motorsiklo at pinagbabaril. Agad na bumagsak ang biktima sa ibabaw ng kanyang motorsiklo at tumakas naman ang mga salarin sa hindi malamang direksyon.
- Latest