Jail officer patay, angkas sugatan sa road mishap
LEGAZPI CITY, Albay - Nabasag ang ulo ng isang 31-anyos na jail officer habang bahagyang nasugatan ang angkas nito matapos silang sumemplang sa sementadong kalsada habang lulan ng motorsiklo sa national highway ng Brgy. Pinamarbuhan, Mobo, Masbate kamakalawa ng madaling araw.
Sinubukan pang isugod sa Masbate Provincial Hospital pero nasawi habang ginagamot ang biktimang si JO1 Jake Bagalihog, kasapi ng BJMP ng Brgy. Maybunga, Pasig City. Ligtas naman at konting sugat lang ang tinamo ng angkas niyang si John Rendell Bagabaldo, 21 anyos, ng Brgy. Bagacay.
Sa ulat, dakong alas-2:30 ng madaling araw, binabagtas ng mga biktima ang kahabaan ng highway patungong Masbate City Port nang mawalan ng kontrol sa manibela si Bagalihog sa madilim na bahagi ng ginagawang kalsada sanhi upang sumemplang at humampas sila sa semento.
- Latest
