Magkapatid lunod sa mini dam
TUGUEGARAO CITY, Cagayan, Philippines – Pinaglalamayan ngayon ang magkapatid na lalaki matapos itong malunod sa paligsahang lumangoy sa mini dam sa Barangay San Antonio, bayan ng Cabagan, Isabela kamakalawa ng umaga. ?
Kinilala ni P/Chief Insp. Nelson Vallejo, hepe ng Cabagan PNP ang mga namatay na sina Allan Tuliao, 25; at Archie Tuliao, 16, mga nakatira sa Barangay San Rafael Alto sa bayan ng Sto. Tomas. ?
Lumalabas sa imbestigasyon na nagkayayaan ang magkapatid kasama pa ang kanilang panganay na utol na si Serapio Tuliao na magtampisaw sa mini dam upang pawiin ang init sa katawan.
Ayon sa ulat, nagpaligsahan ang tatlo sa paglangoy upang abutin ang kabilang pampang ng dam subalit hindi na nakayanang lumangoy ng dalawa at tuluyang lumubog sa gitna ng imbakan ng tubig.?
Dakong hapon na nang makuha ang bangkay ng mag-utol matapos ang search and rescue operation ng mga opisyal ng barangay.
- Latest
