Ama kinatay ng anak
LEGAZPI CITY, Albay, Philippines – Brutal na kamatayan ang sinapit ng 60-anyos na ama matapos itong pagtatagain ng sariling anak dahil sa pinag-awayan na sakahan kamakalawa ng hapon sa Barangay Tinago, bayan ng Aroroy, Masbate. Sa ulat ng pulisya na isinumite sa Camp Simeon Ola, magkasamang nag-iinuman ng alak ang mag-amang Isidro Torquia Sr. at Isidro Jr, 23, nang humantong sa pagtatalo kaugnay sa sinasakang palayan. Dahil sa pagkalango sa alak ay nagalit ang suspek sa kanyang ama kaya pinagtataga nito ang matanda. Kaagad na tumakas ang suspek habang naisugod naman sa ospital ang biktima subalit namatay din.
- Latest