Bakasyunista ninakawan, pinatay

LEGAZPI CITY, Albay, Philippines – Napaslang ang 27-anyos na bakasyunistang dalaga na sinasabing makikipiyesta matapos itong dukutin ay pinagtulungang saksakin ng mga di-kilalang lalaki kamakalawa ng gabi sa Barangay Rangas, bayan ng Juban, Sorsogon. Napag-alaman na ang biktimang si Merydita Moneo ay hinihintay ng mga kamag-anak na darating mula sa Maynila Metro Manila sakay ng pampasaherong bus. Nabatid na ang biktima ay umuwi sa kanilang bayan upang dumalo sa kapistahan ng kanilang barangay subalit natagpuan itong nakabulagta sa tabi ng ilog. Nagulantang na lamang ang kapamilya ng dalaga nang makarating sa kanila ang impormasyon na natagpuang patay ang biktima. Nawawala rin ang mga gamit ng dalaga na pinaniniwalaang tinangay habang patuloy naman ang pagsisiyasat.