2 sinalvage sa Cavite
CAVITE, Philippines - Dalawa-katao na may palatandaang pinahirapan muna saka pinagbabaril hanggang sa mapatay ng mga di-kilalang kalalakihan saka itinapon sa madamong bahagi sa Barangay Layong Mabilog, bayan ng Maragondon, Cavite kahapon ng madaling araw. Kasalukuyan bineberipika ang pagkakakilanlan ng mga biktima na kapwa nasa edad na 25-30, may 5’ 5 pulgadang taas kung saan naka-black & white striped na polo-shirt, maong pants at walang sapatos ang isa habang ang isa naman naka-red checkered polo, maong pants at puting rubber shoes. Ayon kay P01 Arnel Serrano, magkatabi ang dalawang nakadapa nang matagpuan ng ilang residente. Narekober sa crime scene ang mga basyo ng bala ng cal. 45 pistol at ilang gamit sa pagpatay sa dalawa.
- Latest