Sarhento utas sa Cafgu

SANTIAGO CITY,Isabela, Philippines – Napatay ang sarhento ng Philippine Army matapos barilin ng kabarong sundalo ng Citizen Armed Force Geographical Unit (Cafgu) sa kanilang kampo sa bayan ng Maria Aurora, Aurora, ayon sa ulat kahapon. Naisugod pa sa Premiere General Hospital sa Barangay Suklayin subalit idineklarang patay si Sgt. Jimmy Fagyon, detachment commander ng Philippine Army na nakabase sa Barangay Punglo sa nasabing bayan.Pinaghahanap naman ng pulisya ang suspek na si Freddie Rivera ng Barangay Suguit sa nabanggit na bayan. Napag-alamang nagkainitan ang dalawa kaya humantong sa pamamaril ng suspek habang patuloy naman ang imbestigasyon.