Lola pinatay sa gulpi ng apo
CEBU CITY, Cebu , Philippines – Brutal na kamatayan ang sinapit ng lola matapos itong pagpapaluin ng kanyang apong lalaki bago pinagnakawan sa loob ng kanyang bahay sa Barangay Unidos sa bayan ng San Francisco, Cebu sa Camotes Island noong Biyernes ng umaga.
Kasalukuyang tugis ng pulisya ang suspek na si Florencio Donaldo Jullisca, 34, na tumakas matapos gulpihin at mapatay ang kanyang lola na si Francisca Donaldo.
Lumilitaw sa imbestigasÂyon ng pulisya, magkasamang umiinom ng alak ang maglola nang sermunan ng matanda ang apong magsasaka.
Dito nagalit ang suspek at kinompronta ang kanyang lola kung saan nauwi sa matinding bangayan.
Hindi na nakapagtimpi ang suspek sa tinuran ng matanda kaya nagawang pagpapaluin sa ulo hanggang sa mawalan ito ng malay at tuluyang mamatay.
Ayon pa sa pulisya, nagkalat naman ang mga ari-arian ng biktima kung saan nawawala ang P2,000 cash na sinasabing tinangay ng suspek.
- Latest
