BULACAN, Philippines – Maagang napariwara ang 5-anyos na nene matapos halayin ng 26-anyos na lalaking sinasabing lango sa bawal na droga sa gilid ng ilog sa Sitio Dike sa bayan ng Baliwag, Bulacan kamakalawa ng hapon. Nagtamo ng mga pasa at sugat sa katawan ang biktimang itinago sa pangalang Helen habang gulpi-sarado naman sa taumbayan ang suspek na si Herminio “Piyok” Pagtalunan ng Sitio Little Baguio, Brgy. Poblacion sa nabanggit na bayan. Base sa ulat na nakarating kay P/Supt.Rizalino Andaya, lumilitaw na nahikayat ng suspek ang biktima na sumama sa nasabing ilog dahil sa naghihintay ang ina ng bata. Pagsapit sa ilog ay agad na sinuntok ang bata kaya nawalan ito ng malay kung saan sinimulang halayin. Nagkataong napadaan ang tiyuhin ng bata kaya naaktuhan ang suspek kung saan nasakote naman ng pulisya.