Binatilyo nakuryente

STA. MARIA,Bulacan, Philippines  — Naging mitsa ng buhay ng isang binatilyo ang illegal nitong pangunguryente ng mga hinuhuling isda matapos na mismong sa katawan nito aksidenteng dumaloy ang malakas na boltahe ng kuryente sa bayang ito kahapon. Kinilala ang biktima na si Rodelio Alcantara, 15-anyos ng Brgy.Pulong Buhangin sa bayang ito na nagtamo ng 3rd degree burn sa iba’t ibang bahagi ng kanyang katawan. Base sa imbestigasyon ni PO3 Jerry Villamor dakong ala-1:30 ng hapon ng pakialaman ng biktima ang panguryente ng isda ng isang Rogelio Mendoza na ginamit nito sa irrigation canal. Nang bumalik si Mendoza para kumain ay laking gulat nito ng makitang patay na ang biktima matapos na makuryente. Nakapiit na ngayon sa detention cell ng pulisya si Mendoza habang inihahanda na ang kaso laban dtto.