Rizal ,Philippines — Nasa malubha ngayong kalagayan ang isang ama matapos na salagin ang taga na para sana sa kaniyang anak, nang ipagtanggol ito sa nakaalitang kapitbahay sa bayan ng Taytay, ayon sa ulat kahapon. Nilalapatan na ng lunas sa Rizal Medical Center ang biktimang si Delfin Aguilar, 37, may asawa, at residente ng 10-7 Sampalucan St., Brgy. San Isidro, Taytay, bunsod nang tinamong taga sa kaliwang bahagi ng leeg. Arestado naman at naghihimas na ng rehas na bakal ang suspek na si Eliseo Cruz, 63, may-asawa, at kapitbahay ng biktima. Batay sa paunang ulat ni P02 Aries Sombra, ng Taytay Police, nabatid na naganap ang insidente dakong alas-9:30 ng umaga sa tapat ng bahay ng suspek ng habulin nito ng taga ang anak ng biktima na si John Dell Aguilar na sinangga naman ng ama nito. Ang kasong ito ay patuloy na iniimbestigahan.