Mayor diniskwalipika ng Comelec

BATANGAS, Philippines  — Pinagti­bay ng Commission on Elections En banc ang unang desisyon ng Come­lec 2ND division sa disqualification ni Lipa Mayor Meynard A. Sabili dahil sa kakulangan ng residency requirement bago ito ku­man­didatong mayoralty race noong May 2010 eleksyon.

Sa 7-pahinang resolus­yon ng Comelec na pinir­mahan nina Commissioners Rene Sarmiento, Nico­demo Ferrer, Lucenito Tagle, Ar­mando Velasco, Elias Yu­soph, Gre­gorio Larra­zabal at Chairman Jose Melo, ibi­nasura ng ko­misyon ang motion for reconsideration na inihain ni Sabili para ba­ligtarin ang naunang de­sisyon ng Second Division noong Enero 26, 2010.

Naunang naghain ng petisyon si Florencio Librea laban kay Sabili na inayu­nan naman nina Commissioners Nicodemo Ferrer, Lucenito Tagle at Elias Yusoph.

Bago pa maganap ang May 10 eleksyon, pinaka­kan­­sela na ni Librea ang certificate of candidacy ni Sabili nang ilagay nitong address ay Barangay Pi­nag­tong-ulan at nakare­histro sa Precinct 407.

Iginiit ni Librea na nani­nirahan sa San Juan, Ba­tangas si Sabili at tumira lang sa nasabing barangay nang wala pang 1-taon bago mag-May 10, 2010 elections. Gayon pa man, ku­man­didato pa rin si Sabili kung saan nanalo laban kay Mayor Oscar Gozos ha­bang hinihintay ang desisyon sa inihain motion for reconsi­deration sa Comelec En Banc na lu­mabas lamang noong Agosto 17, 2010.

Sa panayam ng PSN kay Sabili, nakatakda anya silang maghain ng petition for a temporary restraining order sa Supreme Court para naman sa paghingi ng certiorari sa layuning ma­pabalewala ang desisyon ng Comelec.