2 dedo, 7 sugatan sa bumagsak na scaffolding
SAN PABLO CITY , Philippines — Dalawang construction worker ang namatay samantalang 7 ang sugatan matapos mabagsakan ng scaffolding sa ginagawang shopping mall sa lungsod na ito kahapon ng madaling-araw.
Kinilala ni Supt. Ferdinand De Castro, hepe ng San Pablo PNP, ang mga nasawing trabahador na sina Benny Navarrete at Edgar Vasquez, pawang mga trabahador ng SLT Construction Company na gumagawa ng Shoe-Mart San Pablo City, Laguna.
Sugatan naman sina Alvin Donor, Christian Ecleo, Alvin Anescal, Arnold Obsanga, Richard Vasquez, Salvador Mediado at Jerson Vidal na pawang ginagamot na sa Pagamutang PangMasa ng Laguna sa San Pablo City.
Ayon sa report, natutulog ang mga trabahador sa ilalim ng scaffolding ng bigla itong mag-collapse at madaganan ang mga biktima bandang alas-3 ng madaling-araw.
Patuloy pa rin ang isi nasagawang imbestigasyon ng mga otoridad sa nasabing aksidente.
- Latest
- Trending