Shootout: 2 holdaper dedo

CAMP VICENTE LIM, Laguna , Philippines  — Dalawang kala­lakihan na sinasabing mi­yembro ng robbery-holdup gang ang iniulat na napa­tay makaraang makipagba­rilan sa pulisya sa bayan ng Carmona,Cavite kaha­pon ng madaling-araw.

Kasalukuyang binebe­ripika pa ang pagkikilanlan ng dalawa na pinanini­walaang nangholdap ng gasolinahan sa Barangay Mabuhay bandang alas-2:45 ng madaling-araw.

Ayon sa ulat, natangay ng dalawa ang P800 ko­leksyong ng gasolinahang pag-aari ni Renato Benito ng San Pedro, Laguna at tumakas sakay ng motor­siklo patungo sa South­woods road.

Sa follow-up operation nasabat ng mga tauhan ng Regional Mobile Group (RMG-Region 4A) at Cavi­te police ang dalawa sa checkpoint na nauwi sa shootout.

Sinabi ni P/Chief Insp. Egbert Tibayan, na po­si­bleng miyembro ng no­toryus na grupong Royal Blood Gangsta ang dalawa na may operasyon sa Laguna at Cavite. Arnell Ozaeta, Cristina Timbang at Joy Cantos