BAYOMBONG, Nueva Vizcaya, Philippines — Isang bangkay ng sanggol na lalaki na sinasabing inihagis ang natagpuan sa ilalim ng tulay kamakalawa sa bayan ng Amulung, Cagayan.
Sa inisyal na ulat ng pulisya, sinasabing inihagis ang sanggol mula sa taas ng tulay batay sa pinsala na nakita na nabalian ng leeg at bitak ang bungo na posibleng tumama sa bato.
Nakabalot sa plastic bag ang sanggol na pinaniniwalaang kapapanganak pa lamang dahil sa buo pa ang umbilical cord nito at hindi pa napuputol. Agad naman na inilibing ang bangkay ng sanggol sa Amulung public cemetery. (Victor Martin)