Rapist na holdaper nalambat sa checkpoint

BALANGA CITY, Bataan, Philippines – Nadakip kamakalawa ng mada­ling-araw ng pulisya sa isang checkpoint ang isa sa tatlong lalake na nangholdap sa isang lalake at gumahasa sa kaeskuwela nitong 15-anyos na dalagita sa Barangay Ala-Uli, Pilar, ng lalawi­gang ito.

Kinilala ng pulisya ang suspek na si Zaylex Manahan, 22, ng Barangay Pantalan Luma, Orani.

Lumilitaw sa pangunang imbestigasyon na magkausap ang mga biktimang si Marvin Lazo, 17, at ang kaeskuwela nitong itinago sa alyas na Joy sa isang waiting shed nang lapitan sila at holdapin ng mga suspek na magkakaangkas sa isang motorsiklo.

Tinangay ng mga suspek ang cell phone at alahas ni Lazo bago nila tinangay sa pagtakas si Joy. Dinala nila sa isang resort si Joy at doon nila ito halinhinang ginahasa. (Jonie Capalaran)