Nauwi sa trahedya ang pagpapaputok ng kwitis makaraang masawi ang isang tinedyer habang apat iba pa ang nasugatan habang aabot naman sa 15 kabahayan ang naabo sa ba yan ng Tanza Esperanza, Iloilo City kamakalawa ng gabi.
Nakilala ang nasawing biktima na si Richard Docdo cil, 18, na nakulong ng apoy sa nasusunog nilang tahanan.
Ang mga nasugatan naman isinugod sa ospital ay nakilalang sina Danilo Dormido, 64, at Leonila Selebrado.
Samantala, ang isang alyas Katoy ay nasugatan matapos madulas sa bubong ng kanilang kabahayan at si Rita Basagre na nabundol ng multicab dahil sa tensyon sa nagaganap na sunog.
Sa police report na nakarating sa Camp Crame, naganap sa insidente bandang alas-10 ng gabi.
Umaabot naman sa may 80 sibilyan ang pansamantalang nanuluyan sa Rizal Elementary School matapos na masunugan.
Napag-alamang nagmula ang apoy sa bahay ni Harley Pampag kung saan isang kuwitis na pinaputok ng kanilang kapitbahay ay pumasok kanyang bahay.
Tumagal naman ng dalawang oras bago naapula ang apoy ng mga bumbero. (Joy Cantos)