CAMP SIMEON OLA, Legazpi City — Isang misis ang nasawi at dalawa pa ang malubhang nasugatan matapos pagtatagain ng kanilang sariling kapatid nang magkaroon ng isang mainitang pagtatalo kamakalawa ng hapon sa Sitio Matanlang, Barangay Tawid, Paracale, Camarines Norte.
Nakilala ang nasawi na si Melinda Pantua, 32 , may asawa, samantalang ang mga nasugatan na kaagad naman isinugod sa Camarines Norte Provincial Hospital ay sina Felomina Pantua, 60, may asawa at Nestor Pantua, 51, may asawa at pawang mga residente ng naturang lugar.
Agad namang nadakip ng pulisya ang suspek na si Isagani Pantua, 49, may asawa at residente ng naturang lugar.
Sinasabing umiinom ng alak ang suspek nang makasagutan niya ang mga biktima hanggang pagtatagain niya ang mga ito.