14 todas sa highway tragedy

KIDAPAWAN CITY – Tra­hedya ang sumalubong sa labing-apat na sibilyang na­sawi, kabilang na ang apat na bata habang aabot naman sa 20 iba pa ang malubhang na­sugatan makaraang sumalpok ang pampasaherong jeepney sa kasalubong na truck sa Cotabato-Bukidnon Highway sa bayan ng Carmen, North Cotabato kahapon ng umaga.

Kabilang sa mga na­matay ay ang drayber ng Lawin jeepney na si Allan Balono, mga pasaherong sina Moka­ mad Saidola, Gimas Saidola, Lugaya Matalam, Kutog Amil Sapal, Lubaida Balaba­gan, Bai Naut Sapal, Um­bay Musta­pha, Tong Um­badil, Na­nogod Guimba at ang apat na pansaman­talang ‘di-pa naki­kilalang mga bata.  

Ginagamot naman sa Kabacan Polymedic Hospital ang ilang sugatang sina Manny Salilama Mamin­teng, 46; Norodin Ka­san,19; Nasser Alipio Ta­lintan, Mustapha Nano, 42; at si Kisay Sapal.

Karamihan sa mga pa­sahero ay residente ng mga Barangay  Kilangan at Pa­langgalang sa nabanggit na bayan.

Sa ulat ni P/Senior Supt. Lester Camba, hepe ng North Cotabato PNP, ang insidente ay naganap da­kong alas-10 ng umaga sa highway na sakop ng Barangay  General Luna.

Ayon sa imbestigasyon, patungo sana sa pantalan ng Parang,  Maguindanao ang mga biktimang sakay ng pampasaherong jeep­ney (DTW-743) para sun­duin ang kamag-anak mula sa Gitnang Silangan (Sau­di) na nagtra­baho bilang domestic helper nang maganap ang trahedya.

Gayon pa man, habang bumabagtas sa highway ay tinangka ng drayber ng jeep­ney na mag-overtake sa Isuzu forward pero kinapos ito at sumalpok sa kasalubong na 10-wheeler truck  (RFM-365) na loaded naman ng 300 sako ng semento.

Boluntaryo namang su­muko sa pulisya ang dray­ber ng truck na si Gerry Delos Reyes, 38, ng Libu­ngan, North Cotabato.

Itinanggi ni Delos Reyes na may kasalanan siya sa na­ganap na sakuna at na­ngatu­wirang siya ang binang­ga at hindi siya ang naka­bangga.