Trike driver tinodas ng adik

IMUS, Cavite – Pinaniniwalaang napagtripan ng adik sa droga kaya binaril sa ulo at napatay ang traysikel drayber sa Barangay Sampaloc 3, Dasmariñas, Cavite kamakalawa ng gabi. Sapol sa sintido ang biktimang si Manuel Polillo, 60, at residente ng Sitio Piela Road ng naturang bayan. Hindi naman nakilala ang killer dahil walang testigong lumutang sa naganap na krimen dakong alas-7:30 ng gabi. Sa hindi maipaliwanag na dahilan ay humarang ang hindi kilalang lalaki sa kalsadang tinutumbok ng biktima na nagmamaneho ng traysikel. Agad na huminto ang biktima at kasabay nito ay isang malakas na putok ng baril ang umalingawngaw at duguang bumulagta si Polillo. (Ulat ni Cristina G. Timbang)