Marcos pinasalamatan ang India sa pagpayag na mag-supply ng bigas sa bansa
MANILA, Philippines — Nagpaabot ng pasasalamat si Pangulong Ferdinand Marcos Jr. sa India dahil sa pagpayag na mag-export ng 295,000 metriko tonelada ng non-basmati white rice sa Pilipinas.
Ang mensahe ay ipinaabot ng Pangulo kay Indian Minister of External Affairs Subrahmanyam Jaishankar sa courtesy call nito sa Palasyo.
Ayon sa Pangulo, interesado ang gobyerno na mapalalim ang kolaborasyon sa India sa iba’t ibang aspeto gaya ng agrikultura, infrastructure at defense.
“I’d like to thank you and please extend my gratitude to your Prime Minister (Narendra Modi) for the timely provision of imported rice that we bought from India. The very critical… a very crucial time since we are in the right now suffering the effects [of] drought,” saad ng Pangulo.
Nakatutok aniya ang gobyerno sa agrikultura upang masiguro ang seguridad sa pagkain para sa mga Pilipino.
Matatandaang noong October 2023 ay inaprubahan ng India ang paglabas ng 295,000 metric tons ng non-basmati white rice sa Pilipinas sa kabila ng kanilang ban sa export ng non-basmati rice noong July 2023.
- Latest
