Mga sangkot sa Degamo slay, natutukoy na -- DOJ
MANILA, Philippines — Sa pagpapatuloy na imbestigasyon ay isa-isa nang natutukoy ng Department of Justice (DOJ) ang mga sangkot sa pagpaslang kay Negros Oriental Governor Roel Degamo.
Sinabi ni DOJ spokesperson Mico Clavano, bukod sa apat na suspek na nadakip at nahaharap na sa kasong kriminal, may 10 pang indibiduwal ang kanilang iniimbestigahan sa ngayon.
“Mas marami pa po ‘no sa sampu iyong na involved sa investigation ho natin. Lumalabas po sa mga statements na mayroon po tayong parang layering na tinatawag,” ayon kay Clavano.
Ayon kay Clavano, natukoy na nila ang “layering” o ang pagkakasalansan ng mga taong sangkot at kanilang mga ginampanan sa krimen.
“So mayroon po tayong mga gunmen, mga directly involved po doon sa assassination bilang driver, lookout iyong mga ganoon… tapos meron ho tayong handler or parang middleman ‘na tinatawag. So ito iyong nagsisilbing parang layer of security doon sa ating mastermind,” dagdag niya. May solido na umano silang “case buildup” at kinakailangan na lamang nila na isara o punan ang mga maliliit na puwang sa imbestigasyon.
- Latest