Janitor todas nang mahulog mula sa ika-4 palapag ng Philippine Heart Center building
MANILA, Philippines — Isang janitor ang nasawi matapos mahulog mula sa gusali ng Philippine Heart Center sa Quezon City, kamakalawa ng gabi.
Sa ulat, alas-8:40 ng gabi ay namumulot ng basura ang biktimang si Robert Robles, 40, sa ikaapat na palapag ng nasabing ospital na matatagpuan sa Barangay Central nang ito ay aksidenteng mahulog.
Isang kasamahan sa trabaho ang nakarinig ng malakas na kalabog at tinungo ang ground floor at dito nakita ang katawan ni Robles na nakabitin sa loob ng elevator.
Agad nilang dinala katulong ang sekyu si Robles sa emergency room ng ospital para ito ay mabigyang agarang lunas, subalit namatay din ito, alas-11:37 ng gabi dahil sa mga tinamong bali sa katawan.
Patuloy ang pagsasagawa ng imbestigasyon ng pulisya upang madetermina kung may foul play sa pagkamatay ni Robles.
- Latest
