CPP walang ceasefire ngayong kapaskuhan
MANILA, Philippines — Sa kabila ng pagpanaw ni Communist Party of the Philippines (CPP) founding chairman Jose Maria “Joma” Sison ay inanunsyo kahapon ng kanilang information bureau na hindi sila magdedeklara ng ceasefire ngayong holiday season.
Anila, walang nakikitang rason ang central committee upang magdeklara ng ceasefire dahil patuloy pa rin ang pagde-deploy ng combat troops ng Armed Forces.
“The Central Committee, hereby, directs the New People’s Army (NPA)… to actively fight and frustrate the AFP’s campaign of armed suppression,” pahayag ng CPP.
Sinabi ni AFP spokesperson Col. Medel Aguilar nitong nakaraang linggo na hindi kinokonsidera ang ceasefire sa communist rebels ngayong holiday season.
“The ceasefire is out of the question now because, number one, we do not know who to talk to. The leaders are into hiding, some are neutralized,” pahayag ng opisyal.
Ikinasa noon ni dating Pangulong Rodrigo Duterte ang peace talks sa unang taon ng kanyang panunungkulan, subalit winakasan ito noong November 2017, dahil umano sa “lack of accountability” ng mga rebelde sa mga krimen na ginawa nila.
- Latest
