Riot sa Quezon City jail, 1 inmate patay; pinaiimbestigahan ni Mayor Joy
MANILA, Philippines — Matapos ang naganap na riot sa Quezon City Jail na ikinasawi ng isang inmate, iniutos Mayor Joy Belmonte ang agarang imbestigasyon sa insidente kamakalawa.
Partikular na pinakilos ni Mayor Belmonte ang Quezon City Police District (QCPD) at Bureau of Jail Management and Penology (BJMP) para magsagawa ng malalimamg imbestigasyon sa riot ng magkalabang gang sa naturang piitan.
“Iniutos na natin ang malalimang imbestigasyon sa nangyaring riot sa Quezon City Jail para malaman ang puno’t dulo nito.Kailangang maparusahan ang mga nagpabaya sa kanilang tungkulin kung mayroon man, upang hindi na maulit pa ang ganitong klaseng insidente sa ating mga pasilidad,” pahayag ni Mayor Belmonte.
Binigyang diin ni Belmonte ang kahalagahan na mapag-aralan ng BJMP ang kanilang security protocols upang maiwasan ang kahalintulad na insidente sa mga darating na panahon.
Sa ulat ng pulisya, nagkasagupa ang mga miyembro ng Batang City Jail, Commando at Bahala na Gang sa naturang kulungan ganap na alas-3 ng hapon noong Biyernes
May halos 10 preso ang nasugatan sa insidente ang dinala sa East Avenue Medical Center at isa rito ay namatay.
- Latest