Delivery van swak sa bangin: 3 patay
MANILA, Philippines — Tatlo ang patay kabilang ang mag-ama nang mahulog sa bangin ang kanilang sinasakyang delivery van, kamakalawa sa Brgy. Tanauan, Real, Quezon.
Kinilala ang mga nasawi na sina Alfonzo Castro, 43, anak na si Allen, 21, kapwa residente ng Baliuag, Bulacan at ang kanilang amo na si Danielle Josh Cruz, 23 dahil sa tinamong grabeng pinsala sa ulo at katawan.
Ayon sa ulat ng pulisya, alas-7:45 ng umaga ay minamaneho ni Alfonzo ang isang aluminum wing van na may kargang mga agricultural feeds na idedeliber sa Infanta at sakay dito ang anak na pahinante at kanilang amo.
Pagsapit sa kurbadang bahagi ng kalye ay nawalan ng kontrol sa manibela si Alfonzo at tuluy-tuloy na bumulusok sa bangin at bumangga sa mga puno.
Nayupi at nahati ang sasakyan na naging sanhi upang agad na malagutan ng hininga ang mga biktima.
- Latest