7.5 milyong nabakunahan sa National Vaccination Days
MANILA, Philippines — Nasa 7.5 milyon mamayan ang nabakunahan sa 3 araw na National Vaccination Days.
Iniulat ni Department of Health Undersecretary Myrna Cabotaje.na sa unang araw ay nasa 2.7 milyon ang nabakunahan, ang ikalawang araw ay 2.4 milyon at 2.4 milyon sa ikatlong araw.
Sinabi pa ni Cabotaje na base sa inisyal na report ang nasabing bilang ay higit sa dalawang beses na mas mataas sa araw-araw na vaccination rate.
“Hindi pa ho kumpleto iyong ating mga reports, may updating that is happening. But we are very happy with the initial report kaso this is more than two times the daily vaccination rate. Kung tutuusin talagang bayanihan,” ani Cabotaje.
Ang top performing regions aniya sa tatlong araw na bakunahan base sa pinakahuling reports at ang Region IV-A; pangalawa ang Region III; pangatlo ang Region VII.
“In terms of the top performing provinces naman: Nauna po ang Cavite;pumangalawa ang Laguna; pangatlo ang Cebu Province,” dagdag ni Cabotaje.
May mga rehiyon din aniya na lumampas ang nabakunahan sa kanilang target katulad ng Region 1, National Capital Region, Cordillera Region, MIMAROPA at Region II.
- Latest
