Higit 2K booster shots naiturok na sa mga health workers
MANILA, Philippines — Nasa 2,488 booster shots ang naibigay ng Department of Health (DOH) sa mga medical workers sa bansa kung saan nakapagtala ng ilang hindi magandang reaksyon.
Sinabi ni Health Undersecretary Maria Rosario Vergeire na nasa 2% ang naitalagang ‘adverse reactions’ tulad ng lagnat at pananakit ng lugar na tinurukan ng bakuna.
“These were all mild reactions such as pain in the vaccination site. Merong nagkaroon ng lagnat, merong sumakit ang ulo, meron namang iba na tumaas ang blood pressure,” ayon kay Vergeire.
Bukod sa mga ito, wala namang seryosong reaksyon sa bakuna na naitalaga sa mga vaccination sites at maayos namang napamahalaan ang naturang mga insidente.
Ipinaalala ni Vergeire na hindi pa pinapayagan ang mga pribadong kumpanya na magbigay ng booster shots o ikatlong dose sa kanilang mga empleyado kung hindi naman sila senior citizens o kaya ay may comorbidities.
- Latest