Bayan ang nakinabang sa patayan sa droga — Duterte

MANILA, Philippines — Sinabi ni Pangulong Rodrigo Duterte na ang mamamayan ang naki­nabang sa sinasabing mga patayan dahil sa ilegal na droga.

Ayon kay Duterte, kung totoo ang sinasabi ng mga human rights tungkol sa mga patayan, hindi naman siya ang nakinabang at lalong hindi ang kanyang pamilya.

“Ipalagay na natin totoo ‘yang sinabi, ipagpalagay na natin totoo ‘yang sinabi ng human rights, p***** i** sinong nakinabang diyan? Ako? Ako ang nakinabang? Pamilya ko? Nakinabang sila diyan sa p***** i**** mga patay na ‘yan? Sino? Sinong nakinabang? Kayo, ang anak ninyo, ang bayan natin ang nakinabang,” ani Duterte.

Idinagdag pa ni Du­terte na siya at ang buhay ng pamilya niya ang nalagay sa alanganin at hindi naman umano siya milyonaryo para pabantayan ang mga miyembro ng kanyang pamilya.

Tinawag din ni Duterte na mga ulol ang mga human rights na nanga­ngalampag tuwing may napapatay sa diumano’y sangkot sa ilegal na droga.