#BrigadangAyala:Medical frontliners binigyang ayuda ng Globe at partners
MANILA, Philippines — Namahagi ang Globe at ang mga partners nito ng WiFi kits, entertainment packages, grocery, medical supplies, insurance vouchers, at cash support sa tatlong public hospitals bilang tugon ng Globe sa #BrigadangAyala bilang pasasalamat sa mga medical frontliners.
Makakatanggap ng 50 Globe MyFi devices na may kasamang free 9 GB data ang mga medical frontliners sa UP-Philippine General Hospital (PGH), National Children’s Hospital (NCH), at Tondo Medical Center (TMC).
Makakatanggap din mula sa Ayala Corporation, sa pamamagitan ng Ayala Foundation, ang bawat nasabing ospital ng P500,000.00 at pondong makakalap mula sa Globe Rewards at GCash.
Meron ding smart TVs na may kasamang Globe Home Prepaid WiFi with 10 GB data para sa mga COVID at cancer wards nito at mga Emergency Room at Out-Patient Departments.
“As a conglomerate, one of Ayala’s core strengths is its diversity, which has been quite evident in the group’s holistic response to the COVID-19 pandemic,” ani John Philip Orbeta, Ayala Corporation’s Chief Human Resources Officer.
“Through Brigadang Ayala, we are once again banking on our diversity to make an impact to the lives of the communities we serve.”
- Latest
