Populasyon ng Pinas umabot na sa higit 109 milyon – PSA
MANILA, Philippines — Pumalo na sa mahigit 109 milyon ang populasyon ng Pilipinas hanggang Mayo 2020.
Ayon sa Philippine Statistics Authority (PSA), umaabot na sa 109,035,343 ang populasyon ng bansa batay sa tala noong May 1, 2020.
Ang bilang ay may pagtaas ng 8.05 milyon mula sa census na isinagawa noong 2015 kung saan 100,981,437 ang populasyon ng Pilipinas.
Ang mga rehiyong may pinakamataas na populasyon ay ang CALABARZON, National Capital Region (NCR), at Central Luzon.
Tuwing ika-10 taon isinasagawa ang census ng PSA.
Matatandaang nito lamang buwan ng Marso, sinabi ni Pangulong Duterte na “high time” para sa pamahalaan na rebisahin ang family planning program.
Aniya, apektado ng malaking populasyon ang epektibong implementasyon ng COVID-19 protocols, lalo na sa mga urban areas o taga-lungsod.
- Latest
