78% ng isolation facilities sa NCR okupado na
MANILA, Philippines — Halos okupado na ang mga isolation facilities sa National Capital Region (NCR) matapos umabot na ito sa 78%.
Ito ang inihayag kahapon ni Health Undersecretary Leopoldo Vega, isang araw matapos ang implementasyon ng NCR Plus bubble policy sa mga nakatira sa Metro Manila, at katabing lalawigan tulad ng Bulacan, Cavite, Rizal at Laguna na binabawalang lumabas at pumasok kung hindi naman ‘essential trip” o papasok sa trabaho simula March 22-April 4 dahil sa pagsirit ng COVID-19 cases.
Kabilang sa isolation facilities ay ang quarantine hotels at temporary treatment and monitoring facilities (TTMF).
“We need to increase our isolation facilities because our TTMFs and isolation hotels are already occupied at 78%. If we have 8,000 new COVID-19 cases and 4,000 are in NCR since 63% of cases are in NCR, with 97% of them mild and asymptomatic, we need an extra number of isolation facilities,” wika ni Vega sa Laging Handa briefing.
“Ito ang dapat unahin natin kasi ang ospital, last line of defense ‘yan for moderate and severe cases. Most of our cases are asymptomatic and mild, and so our first line of defense should be the TTMFs,” dagdag ni Vega.
Magugunitang umabot sa 8,109 bagong kaso noong Marso 22, ang unang araw na ipinatupad ang NCR Plus bubble strategy.
- Latest
