Libu-libong rice farmers sinanay ng RCEF
MANILA, Philippines — Mula nang lagdaan ang Rice Tariffication Law noong 2019 ay libu-libong rice farmers na sinanay at naabot ng information campaign na ipinapatupad ng Rice Competitiveness Extension Fund-Rice Extension Services Program (RCEF-RESP).
Ayon kay Karen Eloisa T. Barroga, ang vice-chair ng Technical Working Group ng RCEF-RESP, mas marami nang farmers at trainers ang naturuan ng mga extension services ng RCEF at palalawakin pa ngayong taon upang bigyan ang mga magsasakang Pilipino ng tamang impormasyon ukol sa mga pamamaraan at teknolohiyang makapagpapababa ng gastusin at makapagpapataas ng ani ng palay.
Sa ilalim ng RCEF-RESP, mga 1,600 na ang dumaan sa pagsasanay sa iba’t ibang rehiyon ng bansa sa rice crop production, modern rice farming techniques, seed production, at farm mechanization.
- Latest
