Pinoy UK variant patient, negatibo na sa COVID-19
MANILA, Philippines — Inihayag kahapon ng Quezon City Local Government na negatibo ang resulta ng swab test sa Coronavirus Disease 2019 ang Pinoy na kauna-unahang nagpositibo sa United Kingdom variant ng virus na sinasabing mas nakahahawa.
Sa ngayon ay inaalam na ng mga doktor na sumuri sa kanya sa quarantine facility kung maaari na siyang makalabas.
Ang nasabing lalaking pasyente na taga-Barangay Kamuning Quezon City ay sakay ng eroplano mula United Arab Emirates tinukoy na Covid-19 UK variant matapos ang kanyang business trip kasama ang nobya at dumating sa bansa nitong January 7.
Sa ngayon ay umabot na sa 14 ang nagpositibo sa COVID-19 na close contact ng patient zero sa UK variant.
Ipinasa na sa Genome Center Philippines ang mga sample ng COVID-19 positives para masuri kung UK variant ang nakahawa sa kanila. - Ludy Bermudo
- Latest
