Pulis at militar puwede nang pumasok sa UP
‘31-taong kasunduan’ tinapos ng DND
MANILA, Philippines — Malaya nang makapapasok ang mga pulis at sundalo sa University of the Philippines (UP) matapos na putulin na ng Department of National Defense (DND) ang kanilang 31-taong kasunduan sa UP na nagbabawal sa pagpasok sa mga campuses ng unibersidad nang walang tamang koordinasyon.
Sa sulat ni Defense Sec. Delfin Lorenzana kay UP Pres. Danilo Concepcion, iginiit nito na ang desisyon ay bunsod sa mga natanggap nilang ulat na may mga komunista ang nanghihikayat ng mga estudyante na sumapi sa kanilang kilusan.
Ani Lorenzana, alam nila ang patuloy na recruitment sa loob ng UP campuses ng CPP-NPA na idineklarang terrorist organization ng United States, European Union, United Kingdom, Australia, Canada at New Zealand. Hindi rin aniya maikakaila ang pagdakip sa mga UP students na kumpirmadong miyembro ng CPP-NPA habang ang iba ay napapatay sa military operations.
Kailangan umanong isakprisyo ang mahigit na tatlong dekada na kasunduan para mailigtas ang mga mag-aaral sa itinuturing na kalaban ng gobyerno. Isa aniyang hadlang ang nasabing kasunduan para makapagbigay ng seguridad at kaligtasan sa mga mag-aaral.
- Latest