Pulis na positive sa drug test, sibakin lahat — Sinas
MANILA, Philippines — Wala nang puwang sa hanay ng Philippine National Police (PNP) ang mga miyembro nito na mapapatunayang gumagamit ng ilegal na droga.
Ito ay makaraang iutos kahapon ni PNP chief Gen. Debold Sinas na ipasailalim sa “summary dismissal proceedings” o pagsibak sa tungkulin ang lahat ng pulis na magpopositibo sa drug test.
Ito ay makaraang madismaya si Sinas nang magpositibo sa drug test ang isang pulis na nakatalaga sa Police Regional Office (PRO) 13.
Sa ulat ni PRO-13 Director P/Brig. Gen. Romeo Caramat Jr. sa isinagawang random drug testing noong Enero 5 sa kabuuang 332 personnels ng CARAGA Police ay tanging si P/Corporal John Rey Ibasco, nakatalaga sa Regional Logistics and Research Development Division (RLRDD)-13 ang nagpositibo sa paggamit ng shabu.
“I have ordered to expand random drug testing to all police personnel to rid the organization of drug-using cops. There is no place in the PNP for them,” pagbibigay diin pa ni Sinas.
- Latest
