Mga solons nagsisimula nang magkawatak-watak
MANILA, Philippines — Dahilan sa grupo ni Speaker Lord Allan Velasco na umano ay hindi tumupad sa pangako na magiging “unifying leader” nang tanggalin ang ilang Deputy Speakers at nakaamba rin ang panibagong rigodon sa chairmanship ng mga committee sa Kamara ay nagsisimula na umanong magkawatak-watak ang mga mambabatas sa Mababang Kapulungan ng Kongreso.
Bukod pa sa maugong rin ang nilulutong mapalitan si House Majority Leader Martin Romualdez dahilan sa malapit ito kay dating House Speaker Alan Peter Cayetano.
Nabatid na bago pa man nabuo noon ang term sharing agreement sa pagitan nina Cayetano at Velasco ay si Romero na ang napipisil na maging House Majority Leader kung magiging Speaker ang pambato ng PDP-Laban.
Magugunita na sa ilalim ng nabuong term sharing agreement ay napagkasunduan na tanging sina Cayetano at Velasco lamang ang magpapalit ng puwesto habang walang tatanggalin at hindi gagalawin ang mga Deputy Speakers at Chairman ng mga Committee.
Subalit, nang maupo si Velasco ay kabaligtaran ang nangyari dahil sinimulan nitong tanggalin sa puwesto ang mambabatas na malapit kay Cayetano sina 2nd District Camarines Sur Rep. Luis Raymund Villafuerte, Deputy Speakers Laguna Rep. Dan Fernandez, Batangas Rep. Raneo Abu at Capiz Rep Fredenil Castro.
- Latest
